(విజయబక్ష్)
మృదువుగా మాట్లాడటం ఎంత గొప్ప విషయమో! ఉన్నదంత మాటల్లోనే ఉంది. ఎదుటి వారిని నొప్పించకుండా విషయాన్ని చెప్పటం చాలా గొప్పతనం... కరచి, అరచి చెప్పడం కూడా ఉంటుంది. కొందరు మాట్లాడుతుంటే తీయగా, మెత్తగా, హాయిగా, హృదయానికి హత్తుకొనేలా ఉంటుంది. మరికొందరు మాట్లాడుతూంటే గయ్ గయ్ మని అరచినట్లుంటుంది. మనిషి గొప్పతనమంతా సగం మాటతీరులోనే ఉంటుంది. నిజమే... పరిశీలించి చూడండి.
మనిషి భావవ్యక్తీకరణకి ముఖ్యమైన సాధనం మాటే కదా! సృష్టిలో మరెవరికీ, ఇతర జీవజాలానికి లేని ఈ మాడ్లాటే 'వరం' మనిషికొక్కడికే ఉంది. తన అభిప్రాయాలను, భావజాలాన్ని మనిషి భాష వల్లనే కదా ప్రసారం చేయగలుగుతున్నాడు. ప్రమేను, ద్వేషాన్ని, కోపాన్ని, తాపాన్ని అన్నింటినీ వెళ్ళగక్కటానికి మాటల మీదనే ఆధారపడుతున్నాడు. ఆఖరికి లిపిలో సాధ్యం కాని అభిప్రాయాలను సైతం మాటల్లో వ్యక్తం చేయవచ్చు! శబ్దజాలం ద్వారా వెలువరించవచ్చు. అంత గొప్పతనముంది మాటలకి!
అయితే మనకున్న అద్భుతమైన శక్తిని వినియోగించుకోవటంలో విపరీతమైన ధోరణలకు పాల్పడుతున్నాం. తిట్టు కవిత్వాలున్నట్లు మనకు తెలుసు. ఆ ఆనవాయితీ పోకుండా మనం దాన్ని కాపాడుకొంటూ వస్తున్నాం. ఎదుటివారిని అనునయించేలాగ మాట్లాడవచ్చు. రెచ్చగొట్టేలాగానూ మాట్లాడవచ్చు.ఆయా మనుషుల స్వభావాన్ని బట్టి మాట్లాడే తీరు ఉంటుంది. ఆయా పరిస్థితులను బట్టి ఉంటుంది. కొందరిలో అయితే పరిస్థితి ఎట్లాంటిదయినా తమని తాము 'కంట్రోలు' చేసుకొనే శక్తి కూడా ఉంటుంది.
|
.jpg)
.jpg)
.jpg)
