Active Blogs | Popular Blogs | Recent Blogs

Devender Chintala Devender's Blogs >> devender బహుమానం (కవిత)

నల్లానల్లని వాడు
తెల్లనామాల వాడు
ఏడుకొండలపై కొలువై
వున్నాడు వాడు
బోసినవ్వులో
బోలెడు వరాలు కురిపిస్తాడు
నీలాలు తనవేనంటాడు
నీలో వున్న అహాన్ని
నిరోధించమంటాడు
నాలో నీవున్నావంటూ
నీవే నేనంటాడు
వాడి వైభవమేమో
వర్ణింప తగింది కాదు
పూలదండని ముడి వేయకుండానే
భుజాలపై వేసుకుంటాడు
భయం సమస్తమై భయపెట్టినప్పుడు
అభయహస్తమిచ్చి ఆదుకుంటాడు
జగతిలోనిదంతా భూమినించేపుట్టి
తిరిగి భూమిలొనేకల్సేదంటూ
దక్షిణ హస్తాన్ని చూపిస్తాడు
తనలో లీనమయ్యె తత్త్వం
పెంచుకోమంటాడు
క్షణకాలం వాడి దర్శనం
కోటిజన్మల తృప్తికి నిదర్శనం
జన్మరాహిత్యానికి సోపానం
జన్మసాఫల్యానికి బహుమానం.