Active Blogs | Popular Blogs | Recent Blogs

Ramu Hemantha Ramu's Blogs >> meghamandiram ఊహ దృశ్య

కలల గగనములో
ప్రవహించే మనో లయలలో
ఇద్దరి తలపులు ఏకమై
సరాగాలను అందుకొంటూ వుంటే
ప్రకృతి పులకించి
నక్షత్ర రాశులను
మనపై చల్లుతూ దీవించే వేళ
ఓ ప్రియసఖీ !
కళ్యాణ కాంతుల మధ్య
కమనీయ దృశ్య బింబం
రెప్ప చాటున చిగురు తొడిగింది
నా ఊపిరి సవ్వడిలో
నీ అపురూప సౌందర్యం
గుండె మాటున గూడు కట్టింది
స్వప్న జగతిలో
ఒక చిలిపి ఊహ ప్రాణం పోసుకొని
దృశ్యమై వెంటాడుతోంది !?