|
|
|
|
Articles: TP Features | నేతిబీరలా ఫిరాయింపు చట్టం
- Site Administrator
| |
(దుర్గం రవీందర్)
అన్ని చట్టాల మాదిరిగానే పార్టీ ఫిరాయింపుల బిల్లు పార్లమెంట్ లో ఆమోదం పొంది 1985లో చట్టం రూపం దాల్చింది. 52వ రాజ్యాంగ సవరణ ద్వారా పార్టీ ఫిరాయింపు చట్టం అమలులోకి వచ్చింది. మళ్ళీ 97వ సారి రాజ్యాంగ సవరణ చేసి దానికి 2003లో మరింత పదును పెట్టారు. అయినా రాజకీయ నాయకులు, రాజకీయ పార్టీల వారిలో చిత్తశుద్ధి లోపించడం వల్ల ఈ చట్టానికి ఉన్న చిన్న చిన్న కంతలను పెద్ద ద్వారాలుగా మార్చి ఫిరాయింపుదారులు అనర్హత వేటు నుండి తప్పించుకుంటున్నారు.
పార్టీ ఫిరాయింపుల అలవాటు ఒక్క భారతదేశ రాజకీయ నాయకులకే కాదు, విదేశాలలోనూ ఉంది. అందులోనూ అభివృద్ధి చెందిన ఆస్ట్రేలియా, ఇంగ్లాండ్, అమెరికా, టర్కీ వంటి దేశాలలోనూ ఈ చట్టం అమలవుతోంది.
ఒక పార్టీ స్పీకర్ ను నియమిస్తుంది. ఆ పార్టీ ద్వారా ఏర్పడిన ప్రభుత్వాన్ని రక్షించడానికి కొందరు ఇంకో పార్టీ నుండి వస్తారు. వారు చేసింది తప్పో ఒప్పో నిర్ణయించే న్యాయాధికారం స్పీకర్ కే ఉంటుంది. స్పీకర్ ను నియమించిన పార్టీకి ప్రాణం పోసే ఫిరాయింపుదారులను ఆయన ఎలా తప్పుపట్టగలరు? వారికి అనర్హత వేటు ఎలా వేయగలడు. తిరకాసు అంతా ఇక్కడే ఉంది. అందుకే ఈ చట్టాన్ని చూసి ఏ రాజకీయనాయకుడూ భయపడటం లేదు... ఈ చట్టం వేటు నుంచి సులభంగా బయటపడవచ్చనే రాజకీయ పార్టీలు కూడా అనుకుంటున్నాయి.
మన రాష్ట్రంలో ఈసారి మూడు ప్రధాన పార్టీలు పోటీ పడ్డాయి. రాష్ట్రంలో ఈసారి హంగ్ అసెంబ్లీ వస్తుంది. ఎం.ఎల్.ఏ.లు మారతారు, అమ్ముడుపోతారు అంటూ ఊహాగానాలు వెలువడుతున్న నేపథ్యంలో పార్టీ ఫిరాయింపు చట్టం చర్చనీయాంశం అయ్యింది. గతంలో లేని విధంగా రాష్ట్రంలో 2009 ఎన్నికల్లో ఒక్క శాసనసభ నియోజకవర్గంలో సగటున 6.5 పార్టీలు, 11 మంది అభ్యర్థులు పోటీపడ్డారు. ఏ పార్టీకీ స్పష్టమైన మెజార్టీ రాని పరిస్థితి ఏర్పడిందనే అంచనాల మధ్య ఈ చట్టం ఎవరికి ఎలా వర్తిస్తుంది అనే చర్చ జరుగుతున్నది.
| Be first to comment on this Article!
| |
|
|
|
 |
| Advertisements |
|
|
|
|
| Advertisements |
|
