|
|
|
|
Articles: TP Features | తెలుగా, ఆంద్రమా?
- Site Administrator
| |
అందుచేత ఈ వివాదాల మీద ఒక సందికి ఒచ్చి, చరితాకారులు పురాణ ఆంద్రబృత్యులు ప్రతిష్టానపు సాతవాహనులు ఒక్కటే అని మళ్ళీ మళ్ళీ తీర్మానించారు. ఇది కూడా గట్టిగా అడిగితే నిలిచే సిద్దాంతము కాదు. ఇంకా సాతవాహనులు బాపలు అనే సిద్దాంతము ఒకటి ఉంది. ఆంద్రబృత్యులు క్షత్రియులు. దీనిని కూడా సమరస పెట్టలేకపోయినారు చరితాకారులు. సాతవాహనులు ప్రాకృతాన్ని ఆదరించినారు. ప్రాకృతము అంటే మరాటీ అని అప్పకవి రాసి ఉన్నాడు.
'స్వర్గలోక ప్రశస్తము సంస్కృతము
మహారాష్ట్ర దేశీయంబు ప్రాకృతంబు'
ఆలాటి అప్పుడు సాతవాహనులు మరాటీలు అవుతారు, కాని తెనుగులు ఎలాగ అవుతారు? అనే వివాదాన్ని చరితాకారులు పట్టించుకోలేదు. అందుకే డాక్టరు సుక్తాంకరు అనే చరితా పరిసోదకుడు చెక్కింపుల సాతవాహనులు కేవలము మరాటీ రాజులే, వారికి తెనుగులకు ఏలాటి పొత్తు లేదు (వారి చేత పాలింపబడడము వినా) అని సవాలు చేస్తే తెలుగు చరితాకారుల నుండి దానికి జవాబే లేదు.
కారణము తెలుగు చరితాకారులు పరిసోదకులు కారు, వారు చాటింపుదారులు. వారు నిజాన్ని వెలికితీసి లోకానికి చెప్పడము అనే తప్పు పని చెయ్యరు. వారు చేసే పని ఊడ్చడము, అంటే నారు ఒక చోట నుండి తీసి మరి ఒక చోట నాటడము. తెలుగును తీసి ఆంద్రమును నాటాలి, తెలుగునాడును మార్చి ఆంద్రప్రదేశము మొల ఎయ్యాలి. తెలుగు జాతిని ఆంద్ర జాతిగా మార్చాలి. అంతకు మించి ఏమీ లేదు.
పయి రీతిగా పాతకాలపు సంస్కృత పొత్తాలలో కనిపించిన అంద్ర, ఆంద్ర అనే మాటను, ప్రాకృత రచనలలోని అందక అనే మాటతో ముడిపెట్టి, దానిని ఆంద్రబృత్యులు అనే దానికి జతపరిచి, దచ్చినాదికి దిగుమతి చేసి, పయితానులో పీటము ఎక్కించి, సాతవాహనులతో సమపరిచి, అక్కడ నుండి అందక అనే మాటలో నుండి పుట్టిన అందపదా అనే ప్రాకృత మాటను ఆనుగా చేసుకొని తెలుగునాటి లోకానికి చొప్పించి, దానిని నాటి పరంగా, జాతి పరంగా, నుడి పరంగా తెనుగులపయి రుద్దకలిగిన వారు ఎవరో కాని గటికులు అనే చెప్పాలి, ఒప్పుకోవాలి. నిద్రపొయ్యే వాడు నిద్రపోతూ ఉంటే మేలుకొన్న వాడు మాగాణి పండించినాడు అట.
సంస్కృత ప్రాకృత పొత్తాలలో చెక్కింపులలో అక్కడ అక్కడ ఒక మాట కనిపించిన అంతనే అది తెలుగు మాట అవుతుందా? అది తెనుగులకు వర్తిస్తుందా? వేళ్ళ మీద లెక్కపెట్ట కలిగిన అన్ని సారులు ఎక్కడో ఒకచోట కనిపించిన అంతనే దానిని నోరులేని లోకము మీద రుద్ద పూనడము తెలివితక్కువతనము. అలాగ రుద్దడము దబాయింపు విదానము అవుతాయి. ఆంద్ర అనే మాటకు నాలుగు కోట్ల తెనుగులకు కల పొత్తు సంస్కృత ప్రాకృత పొత్తాలలోని, చెక్కింపులలోని సంగతులను పట్టి నిర్ణయము కాదు. కాబట్టి తెలుగులో రచనలు మొదలుపెట్టిన తరువాతనే ఈ చిక్కును పరిసీలించి తేల్చడము మంచిది. నేడు మన నడుమ తెలుగు నానుడిగా చెలామణి అవుతూ ఉండే పొత్తాలను ఆయా యుగాల మేరకు తీసుకొని పరికిద్దాము.
| Be first to comment on this Article!
| |
|
|
|
 |
| Advertisements |
|
|
|
|
| Advertisements |
|
