Discussion on Offbeat n Jokes in General Forum at TeluguPeople.com

ఆయ్ ! దేశభాషలందు తెలుగు లెస్స ! ఉభయగోదావరి

చెన్నపట్నం, చెరుకుముక్క నీకోముక్క, నాకోముక్క భీముడుపట్నం, బిందెలజోడు నీకో బిందె, నాకో బిందె కాళీపట్నం, కాసులజోడు నీకోకాసు, నాకోకాసు

Posted by: Mr. Siri Siri At: 7, Jan 2009 11:36:56 AM IST

చిట్టిపొట్టి మిరియాలు చెట్టుకింద పోసి పుట్టమన్ను తెచ్చి, బొమ్మరిల్లు కట్టి, బొమ్మరింట్లో బొగం పాప కన్నది బిడ్డతలకు చమురులేదు నా తలకు నూనెలేదు అల్లవారింటికి చల్లకుపోతే కలవారి కుక్క బౌ మన్నది నా కాళ్ళ గజ్జెలు ఘల్లుమన్నవి !

Posted by: Mr. Siri Siri At: 7, Jan 2009 11:35:30 AM IST

కాళ్ళాగజ్జీ, కంకాలమ్మా వేగులచుక్కా, వెలగమొగ్గా మొగ్గాకాదు, మోదుగనీరు, నీరూగాదు, నిమ్మలవారి, వారీగాదు, వావింటాకు, కూరాగాదు, గుమ్మడిపండు, పండుగాదు, పాపిడిమీసం, లింగులిటుకు, పందిమాల్నిపటుకు, రాజుగారితోట్లో యేముందంటే, పువ్వో, మొగ్గో, పుచ్చుకుంటే దెబ్బ, కాల్దీసి కడగాబెట్టు

Posted by: Mr. Siri Siri At: 7, Jan 2009 11:34:24 AM IST

వానా వానా వల్లప్ప వాకిలి తిరుగూ చెల్లప్ప కొండమీది గుండురాయి కొక్కిరాయి కాలువిరిగె దానికేమి మందు వేపాకు పసుపూ వెల్లుల్లిపాయ నూనెలో మడ్డి నూటొక్క సారి పూయవోయి నూరి పూటకొక్కతూరి

Posted by: Mr. Siri Siri At: 7, Jan 2009 11:33:01 AM IST

చప్పట్లోయ్ తాళాలోయ్ దేవుడిగుళ్ళో మేళాలోయ్ పప్పూ బెల్లం దేవుడికోయ్ పాలూ నెయ్యీ పాపాయికోయ్ గోవిందుడమ్మా గోపాలుడమ్మా కొబ్బరీ బెల్లమ్ము కొనితెచ్చినాడే ఏడాది కొకసారి ఇటువచ్చినాడే పల్లెటూళ్ళుగాన చెల్లిపోయింది గొల్లవాళ్ళముగాన కూడి వచ్చింది పట్నవాసములోన పనికివస్తుందా

Posted by: Mr. Siri Siri At: 7, Jan 2009 11:31:29 AM IST

పిల్లమ్మ కన్నుల్లు బీరపువ్వుల్లు అబ్బాయి కన్నుల్లు కలువరేకుల్లు కలువరేకులవంటి నీ కన్నులకును కాటుకలుపెట్టితే నీకు అందమ్ము ఏడువకు ఏడువకు వెఱ్ఱి అబ్బాయి ఏడుస్తె నీ కళ్ళు నీలాలు కారు నీలాలు కారితే నే జూడలేను పాలైన కారవే బంగారు కళ్ళు

Posted by: Mr. Siri Siri At: 7, Jan 2009 11:29:54 AM IST

పప్పుపెట్టి, పాయసంపెట్టి, అన్నంపెట్టి, అప్పచ్చిపెట్టి, కూరపెట్టి, ఊరగాయపెట్టి, నెయ్యివేసి, ముద్దచేసి, తినిపించి, తినిపించి, చేయిగడిగి, మూతిగడిగి, తాతగారింటికి దారేదంటే, ఇట్లాపోయి, ఇట్లాపోయి, మోచేతిపాలెం ముందర్నించి, ఇట్లాపోయి, ఇట్లాపోయి, ఇదిగో ఇదిగో, వచ్చాం వచ్చాం, చక్కా వచ్చాం, చక్కా వచ్చాం, చక్కిలిగిలిగిలి, చక్కిలిగిలిగిలి. చక్కిలిగిలిగిలి, చక్కిలిగిలిగిలి.

Posted by: Mr. Siri Siri At: 7, Jan 2009 11:28:31 AM IST

గుమ్మాడమ్మా గుమ్మాడీ, ఆకుల్లువేసింది గుమ్మాడీ, పూవుల్లు పూసింది గుమ్మాడీ, పండ్లు పండిందమ్మ గుమ్మాడీ, అందులో ఒకపండు గుమ్మాడీ, అతి చక్కనీ పండు గుమ్మాడీ, ఆ పండు యెవరమ్మ గుమ్మాడీ, మా చిట్టి తండ్రమ్మ గుమ్మాడీ !

Posted by: Mr. Siri Siri At: 7, Jan 2009 11:27:07 AM IST

సీతమ్మ వాకిటా చిరుమల్లె చెట్టు చిరుమల్లె చెట్టేమొ చితుకచూసింది చెట్టు కదలాకుండ కొమ్మవంచండి; పట్టి పూవులుకోసి బుట్ట నింపండి అందులో పెద్దపూలు దండ గుచ్చండి, దండ తీసుకువెళ్ళి సీత కివ్వండి. దాచుకో సీతమ్మ దాచుకోవమ్మ దాచుకోకుంటేను దోచుకొంటారు దొడ్డి గుమ్మములోన దొంగలున్నారు.

Posted by: Mr. Siri Siri At: 7, Jan 2009 11:26:09 AM IST

చిట్టిబొమ్మల పెండ్లి చేయవలెననగా, శ్రింగారవాకిళ్ళు సిరితోరణాలు, గాజుపాలికలతో, గాజుకుండలతో, అరటి స్తంభాలతో అమరె పెండ్లరుగు. చిన్నన్న పెట్టెనే వన్నెచీరల్లు, పెద్దన్న పెట్టెనే పెట్టెల్లసొమ్ము, నూరుదునె బొమ్మ, నీకు నూటొక్కకొమ్ము, పోతునే బొమ్మ నీకు పెన్నేఱునీళ్ళు కట్టుదునె బొమ్మ,నీకు కరకంచుచీర, తొడుగుదునే బొమ్మ, నీకు తోపంచురవిక, ఒడిబియ్యం పెడుదునే, ఒడిగిన్నె పెడుదు, అత్తవారింటికీ పోయి రమ్మందు అత్తచెప్పినమాట వినవె ఓ బొమ్మ, మామచెప్పినపనీ మానకే బొమ్మ, రావాకుచిలకమ్మ ఆడవే పాప, రాజుల్లు నీచేయి చూడవచ్చేరు.

Posted by: Mr. Siri Siri At: 7, Jan 2009 11:25:10 AM IST

< < Previous Page: 35 of 169 Next > >