Discussion on Offbeat n Jokes in General Forum at TeluguPeople.com

ఆయ్ ! దేశభాషలందు తెలుగు లెస్స ! ఉభయగోదావరి

మెరుపు కలలు వెన్నెలవే వెన్నెలవే .. మిన్నే దాటి వస్తావా విరహానా జోడీ నీవే ! (2) వెన్నెలవే వెన్నెలవే .. మిన్నే దాటి వస్తావా విరహానా జోడీ నీవే ! నీకు భూలోకులా కన్ను సోకేముందే పొద్దు తెల్లారేలోగా పంపిస్తా … (2) ఇది సరాసాలా తొలిపరువాలా జత సాయంత్రం సయ్యన్న మందారం ఇది సరాసాలా తొలిపరువాలా జత సాయంత్రం సయ్యన్న మందారం చెలి అందాలా చెలి ముద్దాడే చిరు మొగ్గల్లో సిగ్గేసే పున్నాగం పిల్లా .. పిల్లా .. భూలోకం దాదాపు కన్నూ మూయు వేళా .. పాడేను కుసుమాలు పచ్చా కంటి మీనా ఏ పూవుల్లో తడి అందాలో అందాలే ఈ వేళా ! వెన్నెలవే వెన్నెలవే .. మిన్నే దాటి వస్తావా విరహానా జోడీ నీవే ! నీకు భూలోకులా కన్ను సోకేముందే పొద్దు తెల్లారేలోగా పంపిస్తా … ఎత్తైనా గగనంలో నిలిపేవారెవరంటా కౌగిట్లో చిక్కుపడే గాలికి అడ్డెవరంటా ఇది గిల్లీ గిల్లీ వసంతమే ఆడించే హృదయములో వెన్నెలలే రగిలించేవారెవరూ పిల్లా .. పిల్లా .. పూదోట నిదరోమ్మని పూలే వరించు వేళా పూతీగ కలలోపల తేనే గ్రహించు వేళా ఆ వయసే రసాల విందైతే .. ప్రేమల్లే ప్రేమించు ! వెన్నెలవే వెన్నెలవే .. మిన్నే దాటి వస్తావా విరహానా జోడీ నీవే ! నీకు భూలోకులా కన్ను సోకేముందే పొద్దు తెల్లారేలోగాపంపిస్తా …

Posted by: Mr. Siri Siri At: 16, Aug 2008 4:41:31 PM IST

సిగలో .. అవి విరులో .. అగరు పొగలో అత్తరులో మగువా సిగ్గు దొంతరలో .. మసలే వలపు తొలకరులో (2) సిగలో .. అవి విరులో .. ఎదుటా .. నా ఎదుటా ..ఏవో సోయగాల మాలికలూ ఎదుటా .. నా ఎదుటా ..ఏవో సోయగాల మాలికలూ మదిలోనా .. గదిలోనా మదిలోనా .. గదిలోనా .. మత్తిల్లిన కొత్త కోరికలూ నిలువనీవు నా తలపులూ .. మరీ మరీ ప్రియా .. ప్రియా నిలువనీవు నా తలపులూ .. నీ కనుల ఆ పిలుపులూ ! సిగలో .. అవి విరులో .. అగరు పొగలో అత్తరులో మగువా సిగ్గు దొంతరలో .. మసలే వలపు తొలకరులో సిగలో .. అవి విరులో .. జరిగీ .. ఇటు ఒరిగీ .. పరవశాన ఇటులే కరిగీ జరిగీ .. ఇటు ఒరిగీ .. పరవశాన ఇటులే కరిగీ చిరునవ్వుల అర విడినా .. చిగురాకు పెదవుల మరిగీ చిరునవ్వుల అర విడినా .. చిగురాకు పెదవుల మరిగీ మరలిరాలేవు నా చూపులూ .. మరీ మరీ ప్రియా .. ప్రియా మరలిరాలేవు నా చూపులూ.. మధువుకై మెదలు తుమ్మెదలూ సిగలో .. అవి విరులో .. అగరు పొగలో అత్తరులో మగువా సిగ్గు దొంతరలో .. మసలే వలపు తొలకరులో సిగలో .. అవి విరులో

Posted by: Mr. Siri Siri At: 16, Aug 2008 4:38:54 PM IST

ఆకాశ దేశాన ..ఆషాఢ మాసాన మెరిసేటి ఓ మేఘమా .. మెరిసేటి ఓ మేఘమా విరహమో దాహమో విడలేని మోహమో వినిపించు నా చెలికీ .. మేఘసందేశం మేఘసందేశం వానకారు కోయిలనై .. తెల్లవారి వెన్నెలనై వానకారు కోయిలనై .. తెల్లవారి వెన్నెలనై ఈ ఎడారి దారులలో ఎడద నేను పరిచానని .. కడిమివోలె నిలిచానని ఉరమని తరమని ఊసులతో .. ఉలిపిరి చినుకుల బాసలతో+ విన్నవించు నా చెలికీ .. విన్న వేదనా నా విరహ వేదనా ఆకాశ దేశాన ..ఆషాఢ మాసాన మెరిసేటి ఓ మేఘమా .. మెరిసేటి ఓ మేఘమా రాలుపూల తేనియకై .. రాతిపూల తుమ్మెదనై రాలుపూల తేనియకై .. రాతిపూల తుమ్మెదనై ఈ నిశీధి నీడలలో నివురులాగ మిగిలానని శిధిల జీవినైనానని తొలకరి మెరుపుల లేఖలతో .. రుధిర భాష్పజల ధారలతో ఆ..ఆ..ఆ..ఆ విన్నవించు నా చెలికీ .. మనోవేదనా నా మరణయాతనా ఆకాశ దేశాన ..ఆషాఢ మాసాన మెరిసేటి ఓ మేఘమా .. మెరిసేటి ఓ మేఘమా విరహమో దాహమో విడలేని మోహమో వినిపించు నా చెలికీ .. మేఘసందేశం మేఘసందేశం

Posted by: Mr. Siri Siri At: 16, Aug 2008 4:37:36 PM IST

ఊరుకో ఊరుకో బంగారు కొండా నల్ల కలువ కళ్ళు ఎర్రబారనీకుండా దాయి దాయి దాయి దాయి దాయి దాయి దమ్మనీ చేయి జారి పోయిన జాబిల్లినీ తేలేని తల్లినీ ఏడిపించకుండా ! ఊరుకో ఊరుకో బంగారు కొండా నల్ల కలువ కళ్ళు ఎర్రబారనీకుండా ఇంకిపోని గంగలా .. కంటినీరు పొంగినా చల్లబడకుందీ ఎడారీ .. ఎదలో జ్ఞాపకాల జ్వాలలో .. రేపులన్ని కాలినా కొండె ఊపిరింకా మిగులుందీ చల్లనీ నీ కళ్ళలో .. కమ్మనీ కల నేను చెమ్మగిల్లనీయకుమా .. కరిగిపోతానూ దాయి దాయి దాయి దాయి దాయి దాయి దమ్మనీ చేయి జారి పోయిన జాబిల్లినీ తేలేని తల్లినీ ఏడిపించకుండా ! ఊరుకో ఊరుకో బంగారు కొండా నల్ల కలువ కళ్ళు ఎర్రబారనీకుండా గుక్కపట్టి ఏడ్చినా .. ఉగ్గు పట్టవేమనీ తప్పు పట్టి తిట్టేవారేరీ .. తండ్రీ అమ్మ వట్టి మొద్దురా .. జట్టు ఉండొద్దురా అంటూ ఊరడించే నన్నేరీ చెప్పరా ఆ గుండెలో .. చప్పుడే నేనని జన్మలెన్ని దాటైనా .. చేరుకుంటాననీ దాయి దాయి దాయి దాయి దాయి దాయి దమ్మనీ చేయి జారి పోయిన జాబిల్లినీ తేలేని తల్లినీ ఏడిపించకుండా ! ఊరుకో ఊరుకో బంగారు కొండా నల్ల కలువ కళ్ళు ఎర్రబారనీకుండా దాయి దాయి దాయి దాయి దాయి దాయి దమ్మనీ చేయి జారి పోయిన జాబిల్లినీ తేలేని తల్లినీ ఏడిపించకుండా !

Posted by: Mr. Siri Siri At: 16, Aug 2008 4:36:11 PM IST

ఆత్మబంధం ఒట్టేసి చెప్పవా ఇంకొక్కసారి ఒట్టేసి చెప్పవా ఇంకొక్కసారి వట్టి ఊహ కాదనీ.. ఈ కొత్త పూల గాలి నమ్మలేకపోతున్నా కమ్మనీ నిజాన్ని బొట్టుపెట్టి పిలవగానే స్వర్గం దిగి వచ్చిందని ఒట్టేసి చెప్పవా ఇంకొక్కసారి ఒట్టేసి చెప్పవా ఇంకొక్కసారి వట్టి ఊహ కాదనీ.. ఈ కొత్త పూల గాలి నమ్మలేకపోతున్నా కమ్మనీ నిజాన్ని బొట్టుపెట్టి పిలవగానే స్వర్గం దిగి వచ్చిందని ఒట్టేసి చెప్పవా ఇంకొక్కసారి ఒట్టేసి చెప్పవా ఇంకొక్కసారి ఒకేసారి కలలన్నీ వెలేసాయి కన్నుల్నీ ఆమావాస్య కొలువై మోయమంటూ రేయినీ సుదూరాల తారల్నీ .. సుధాశాంతి కాంతుల్నీ వలలు వేసి తెచ్చా కంటికొనలో నింపనీ చెదరని చెలిమికి సాక్ష్యమా .. హృదయము తెలుపగ సాధ్యమా మాయని మమతల దీపమా .. ఉదయపు తళుకులు చూపుమా నా జాబిలి నీవేనని .. ఒట్టేసి చెప్పవా ఇంకొక్కసారి ఒట్టేసి చెప్పవా ఇంకొక్కసారి తుదేలేని కధ కానీ .. గతం కాని స్వప్నాన్నీ ఇదే కౌగిలింతై కాలమంతా ఉండనీ నువే ఉన్న కన్నులతో .. మరేవంక చూడననీ రెప్ప వెనుక నిన్నే ఎల్ల కాలం దాచనీ యుగములు కలిగిన కాలమా .. ఈ ఒక ఘడియను వదులుమా చరితలు కలిగిన లోకమా .. ఈ జత జోలికి రాకుమా స్వప్నం చిగురించిందని .. ఒట్టేసి చెప్పవా ఇంకొక్కసారి ఒట్టేసి చెప్పవా ఇంకొక్కసారి వట్టి ఊహ కాదనీ.. ఈ కొత్త పూల గాలి నమ్మలేకపోతున్నా కమ్మనీ నిజాన్ని బొట్టుపెట్టి పిలవగానే స్వర్గం దిగి వచ్చిందని ఒట్టేసి చెప్పవా ఇంకొక్కసారి ఒట్టేసి చెప్పవా ఇంకొక్కసారి ఇంకొక్కసారి .. ఇంకొక్కసారి ..

Posted by: Mr. Siri Siri At: 16, Aug 2008 4:34:55 PM IST

ఘల్లు ఘల్లు ఘల్లుమంటు మెరుపల్లే తుళ్ళు ఝల్లు ఝల్లు ఝల్లున ఉప్పొంగు నింగి వళ్ళు నల్లమబ్బు చల్లని చల్లని చిరుజల్లు పల్లవించనీ నేలకు పచ్చని పరవళ్ళు ఘల్లు ఘల్లు ఘల్లుమంటు మెరుపల్లే తుళ్ళు ఝల్లు ఝల్లు ఝల్లున ఉప్పొంగు నింగి వళ్ళు వెల్లువొచ్చి సాగనీ తొలకరి అల్లర్లు వెల్లువొచ్చి సాగనీ తొలకరి అల్లర్లు ఎల్లలన్నవే ఎరగని వేగంతో వెళ్ళూ ఘల్లు ఘల్లు ఘల్లుమంటు మెరుపల్లే తుళ్ళూ ఝల్లు ఝల్లు ఝల్లున ఉప్పొంగు నింగి వళ్ళూ లయకే నిలయమై నీ పాదం సాగాలీ మలయానిల గతిలో సుమ బాలగ తూగాలి వలలో ఒదుగునా విహరించే చిరుగాలి సెలయేటికి నటనం నేర్పించే గురువేడీ తిరిగే కాలానికీ ఆ ..ఆ .. ఆ ..ఆ.. తిరిగే కాలానికీ తీరొకటుందీ అది నీ పాఠానికి దొరకను అందీ నటరాజ స్వామి జటా జూటి లోకి చేరకుంటె విరుచుకుపడు సురగంగకు విలువేముందీ విలువేముందీ ఘల్లు ఘల్లు ఘల్లుమంటు మెరుపల్లే తుళ్ళూ ఝల్లు ఝల్లు ఝల్లున ఉప్పొంగు నింగి వళ్ళూ దూకే అలలకూ ఏ తాళం వేస్తారూ కమ్మని కలల పాట ఏ రాగం అంటారూ అలలకు అందునా ఆశించిన ఆకాశం కలలా కరగడమా జీవితాన పరమార్ధం వద్దని ఆపలేరూ ఆ .. ఆ .. ఆ .. ఆ .. వద్దని ఆపలేరు ఉరికే ఊహనీ హద్దులు దాటరాదు ఆశల వాహినీ అదుపెరుగని ఆటలాడు వసంతాలు వలదంటే విరి వనముల పరిమళముల విలువేముందీ విలువేముందీ ఘల్లు ఘల్లు ఘల్లుమంటు మెరుపల్లే తుళ్ళు ఝల్లు ఝల్లు ఝల్లున ఉప్పొంగు నింగి వళ్ళు నల్లమబ్బు చల్లని చల్లని చిరుజల్లు వెల్లువొచ్చి సాగనీ తొలకరి అల్లర్లు పల్లవించనీ నేలకు పచ్చని పరవళ్ళు ఘల్లు ఘల్లు ఘల్లుమంటు మెరుపల్లే తుళ్ళు ఝల్లు ఝల్లు ఝల్లున ఉప్పొంగు నింగి వళ్ళు

Posted by: Mr. Siri Siri At: 16, Aug 2008 4:32:44 PM IST

స్వర్ణకమలం శివపూజకు చివురించిన సిరిసిరిమువ్వా శివపూజకు చివురించిన సిరిసిరిమువ్వా సిరిసిరిమువ్వా .. సిరిసిరిమువ్వా మృదుమంజుల పదమంజరి పూచిన పువ్వా సిరిసిరిమువ్వా .. సిరిసిరిమువ్వా యతిరాజుకు జతి స్వరముల పరిమళమివ్వా సిరిసిరిమువ్వా .. సిరిసిరిమువ్వా నటనాంజలితో బ్రతుకును తరీంచనీవా సిరిసిరిమువ్వా .. సిరిసిరిమువ్వా పరుగాపక పయనించవె తలపుల నావా కెరటాలకు తలవంచితె తరగదు త్రోవా ఎదిరించిన సుడిగాలిని జయించినావా మది కోరిన మధు సీమలు వరించి రావా పరుగాపక పయనించవె తలపుల నావా కెరటాలకు తలవంచితె తరగదు త్రోవా పడమర పడగలపై .. మెరిసే తారలకై పడమర పడగలపై .. మెరిసే తారలకై రాత్రిని వరించకే సంధ్యా సుందరీ తూరుపు వేదికపై .. వేకువ నర్తకివై తూరుపు వేదికపై .. వేకువ నర్తకివై ధాత్రిని మురిపించే కాంతులు చిందనీ నీ కదలిక చైతన్యపు శ్రీకారం కానీ నీ కదలిక చైతన్యపు శ్రీకారం కానీ నిదురించిన హృదయరవళి ఓంకారం కానీ శివపూజకు చివురించిన సిరిసిరిమువ్వా సిరిసిరిమువ్వా .. సిరిసిరిమువ్వా మృదుమంజుల పదమంజరి పూచిన పువ్వా సిరిసిరిమువ్వా .. సిరిసిరిమువ్వా తన వేళ్ళే సంకెళ్ళై కదలలేని మొక్కలా ఆమనికై ఎదురు చూస్తూ ఆగిపోదు ఎక్కడా అవధిలేని అందముంది అవనికి నలు దిక్కులా ఆనందపు గాలివాలు నడపనీ నిన్నిలా ప్రతిరోజొక నవగీతిక స్వాగతించగా వెన్నెల కిన్నెర గానం నీకు తోడుగా పరుగాపక పయనించవె తలపుల నావా కెరటాలకు తలవంచితె తరగదు త్రోవా జలిత చరణ జనితం నీ సహజ విలాసం జ్వలిత కిరణ కలితం సౌందర్య వికాసం నీ అభినయ ఉషోదయం తిలకించిన రవినయనం నీ అభినయ ఉషోదయం తిలకించిన రవినయనం గగన సరసి హృదయంలో .. వికసిత శతదళ శోభల సువర్ణ కమలం పరుగాపక పయనించవె తలపుల నావా కెరటాలకు తలవంచితె తరగదు త్రోవా ఎదిరించిన సుడిగాలిని జయించినావా మది కోరిన మధు సీమలు వరించి రావా

Posted by: Mr. Siri Siri At: 16, Aug 2008 4:32:10 PM IST

శుభోదయం కంచికి పోతావా కృష్ణమ్మా .. ఆ కంచి వార్తలేమి చెప్పమ్మా కంచికి పోతావా కృష్ణమ్మా .. ఆ కంచి వార్తలేమి చెప్పమ్మా కంచిలో ఉన్నది బొమ్మా అది బొమ్మ కాదు ముద్దు గుమ్మా కంచికి పోతావా కృష్ణమ్మా .. ఆ కంచి వార్తలేమి చెప్పమ్మా కంచికి పోతావా కృష్ణమ్మా .. ఆ కంచి వార్తలేమి చెప్పమ్మా కంచిలో ఉన్నది బొమ్మా అది బొమ్మ కాదు ముద్దు గుమ్మా కంచికి పోతావా కృష్ణమ్మా త్యాగరాజ కీర్తనల్లే ఉన్నాదీ బొమ్మా .. రగమేమో తీసినట్టు ఉందమ్మా త్యాగరాజ కీర్తనల్లే ఉన్నాదీ బొమ్మా .. రగమేమో తీసినట్టు ఉందమ్మా ముసి ముసి నవ్వుల పువ్వులు పూసిందీ కొమ్మ ..మువ్వ గోపాలా మువ్వ గోపాలా ..మువ్వ గోపాలా అన్నట్టుందమ్మా అడుగుల్ల సవ్వళ్ళు కావమ్మా అవి ఎడదల్లో సందళ్ళు లేవమ్మా అడుగుల్ల సవ్వళ్ళు కావమ్మా అవి ఎడదల్లో సందళ్ళు లేవమ్మా కంచికి పోతావా కృష్ణమ్మా .. ఆ కంచి వార్తలేమి చెప్పమ్మా కంచిలో ఉన్నది బొమ్మా అది బొమ్మ కాదు ముద్దు గుమ్మా కంచికి పోతావా కృష్ణమ్మా రాసలీల సాగినాక రాధ నీవేనమ్మ .. రాతిరేల సంత నిదుర రాదమ్మా రాసలీల సాగినాక రాధ నీవేనమ్మ .. రాతిరేల సంత నిదుర రాదమ్మా ముసిరిన చీకటి ముంగిట వేచిందీ కొమ్మ .. ముద్దుమురిపాలా .. మువ్వగోపాలా నీవు రావేలా అన్నట్టుందమ్మా మనసు దోచుకున్న ఓయమ్మా .. నీ మనసు దాచుకోకు బుల్లెమ్మా మనసు దోచుకున్న ఓయమ్మా .. నీ మనసు దాచుకోకు బుల్లెమ్మా కంచికి పోతావా కృష్ణమ్మా ముద్దుమురిపాల ఆ కంచి వార్తలేమి కృష్ణమ్మా మువ్వగోపాలా కంచిలో ఉన్నది బొమ్మా అది బొమ్మ కాదు ముద్దు గుమ్మా నీవు రావేలా కంచికి పోతావా కృష్ణమ్మా .. ఆ కంచి వార్తలేమి కృష్ణమ్మా పొంచి వింటున్నావా .. కృష్ణమ్మా అన్ని మంచి వార్తలే కృష్ణమ్మా !

Posted by: Mr. Siri Siri At: 16, Aug 2008 4:29:54 PM IST

శుభసంకల్పం హరిపాదాన పుట్టావంటే గంగమ్మా శ్రీహరిపాదాన పుట్టావంటే గంగమ్మా ఆ హిమగిరిపై అడుగెట్టావంటే గంగమ్మా కడలీ .. కౌగిలినీ .. కరిగావంటే .. గంగమ్మా నీ రూపేదమ్మా నీ రంగేదమ్మా నీ రూపేదమ్మా ..నీ రంగేదమ్మా నడిసంద్రంలో నీ గడపేదమ్మా .. గంగమ్మా నీలాల కన్నుల్లో సంద్రమే .. హైలెస్సో నింగి నీలవంతా సంద్రమే .. హైలెస్సో నీలాల కన్నుల్లో సంద్రమే .. నింగి నీలవంతా సంద్రమే ************************************** సాహిత్యం: వేటూరి గానం: ఎస్.పి.శైలజ, ఎస్.పి.బాలసుబ్రమణ్యం సీతమ్మ అందాలూ రామయ్య గోత్రాలూ రఘురామయ్య వైనాలూ సీతమ్మ సూత్రాలూ (2) ఏకమవ్వాలంటే ఎన్ని ఆత్రాలూ ఏకమవ్వాలంటే ఎన్ని ఆత్రాలూ ఏకమైనా చోట వేదమంత్రాలూ ఏకమైనా చోట వేదమంత్రాలు సీతమ్మ అందాలూ రామయ్య గోత్రాలూ రఘురామయ్య వైనాలూ సీతమ్మ సూత్రాలూ హరివిల్లు మా ఇంటి ఆకాశబంతీ సిరులున్న ఆ చేయి శ్రీవారి చేయి హరివిల్లు మా ఇంటి ఆకాశబంతీ వంపులెన్నో కోయి రంపమెయ్యంగ సినుకు సినుకుగా రాలే సిత్ర వర్ణాలూ సొంపులన్నీ గుండె గంపకెత్తంగా సిగ్గులలోనే పుట్టేనమ్మా సిలక తాపాలూ తళుకులై రాలేనూ తరుణి అందాలూ తళుకులై రాలేనూ తరుణి అందాలూ వక్కలై మెరిసేను ఉలుకు ముత్యాలు ! సీతమ్మ అందాలూ రామయ్య గోత్రాలూ రఘురామయ్య వైనాలూ సీతమ్మ సూత్రాలూ తాలే లల్లాల లాలలో .. తాలే తల్లాల లాలో తాలే లల్లాల లాలలో .. తాలే తల్లాల లాలో మొవ్వాకు చీర పెడతా .. మొగిలీ రేకులు పెడతా నన్నే పెళ్ళాడతావా కన్నె సిలకా (2) అబ్బో ఆశ ! శృంగార పెళ్ళికొడకా .. ఆ .. ఆ .. ఆ ఇది బంగారు వన్నెసిలకా .. ఆ .. ఆ .. ఆ శృంగార పెళ్ళికొడక .. బంగారు వన్నెసిలకా మొవ్వాకులిస్తె రాదు మోజు పడక మొవ్వాకులిస్తె రాదు మోజు పడకా తాలే లల్లాల లాలలో .. తాలే తల్లాల లాలో తాలే లల్లాల లాలలో .. తాలే తల్లాల లాలో అయ్ .. రవ్వంటిదాన నిప్పురవ్వంటి చిన్న దాన ఏమిచ్చి తెచ్చుకోనె దీపకళికా రవ్వంటిదాన నిప్పురవ్వంటి చిన్న దాన ఏమిచ్చి తెచ్చుకోనె దీపకళికా రాయంటి చిన్నవోడా మా రాయుడోరి చిన్నవోడా మనసిచ్చి పుచ్చుకోర మావకొడకా మనసిచ్చి పుచ్చుకోర మావకొడకా మనువాడతాను గాని మాను అలకా ! తాలే లల్లాల లాలలో .. తాలే తల్లాల లాలో తాలే లల్లాల లాలలో .. తాలే తల్లాల లాలో ********************************** హైలెస్సో హైలెస్సో హైలెస్సో హైలెస్సా హైలెస్సో హైలెస్సో హైలెస్సో హైలెస్సా సూర్యుడైనా సలవ సెంద్రుడైనా కోటి సుక్కలైనా అష్ఠదిక్కులైనా నువ్వైనా అహ నేనైనా అహ రేవైనా అహ నావైనా సంద్రాన మీనాల సందమే హైలెస్సో హైలెస్సో హైలెస్సో హైలెస్సా నీలాల కన్నుల్లో సంద్రమే హైలెస్సో .. ఓ .. ఓ .. ఓ .. హైలెస్సా నింగి నీలవంతా సంద్రమే .. హైలెస్సో .. ఓ .. ఓ .. హైలెస్సా నీలాల కన్నుల్లో సంద్రమే .. నింగి నీలవంతా సంద్రమే నేల కరిగిపోతె సంద్రమే .. నేల కరిగిపోతె సంద్రమే .. నీటి బొట్టు పెరిగిపోతె సంద్రమే నేల కరిగిపోతె సంద్రమే .. నీటి బొట్టు పెరిగిపోతె సంద్రమే నీలాల కన్నుల్లో సంద్రమే .. నింగి నీలవంతా సంద్రమే నీలాల కన్నుల్లో సంద్రమే .. నింగి నీలవంతా సంద్రమే Live is a holiday jollyday .. హైలో హైలెస్సా Spend it a way in a fabuous way .. హైలో హైలెస్సా Twinkle little star .. I know what you are జానే భీదో యార్ గోలీతో మార్ (2) హైలెస్సో హైలెస్సా .. life is a తమాషా You sing it a హమేషా .. I don’t know సాపాసా నీలాల కన్నుల్లో సంద్రమే .. నింగి నీలవంతా సంద్రమే హైలెస్సో .. ఓ .. ఓ .. ఓ .. హైలెస్సా ! ఆకతాయి పరువాల కొంటెగోలా .. కోటి సంబరాలా (ఆకతాయి పరువాల కొంటెగోలా .. కోటి సంబరాలా) ఆపకండి ఈవేళా కూనలాలా .. కొత్త వానలాలా (ఆపకండి ఈవేళా కూనలాలా .. కొత్త వానలాలా ) కోటి సంబరాలా .. కొత్త వానలాలా (కోటి సంబరాలా .. కొత్త వానలాలా) ఛెంగుమంటు గంగ పొంగులెత్తువేళా .. ఆ .. ఆ .. ఆ హోయ్ .. ఛెంగుమంటు గంగ పొంగులెత్తువేళా వళ్ళు మరచి పోవాలీ నింగీ నేలా (వళ్ళు మరచి పోవాలీ నింగీ నేలా) నీలాల కన్నుల్లో సంద్రమే .. నింగి నీలవంతా సంద్రమే నీలాల కన్నుల్లో సంద్రమే .. నింగి నీలవంతా సంద్రమే

Posted by: Mr. Siri Siri At: 16, Aug 2008 4:28:50 PM IST

చుక్కల తోటలో ఎక్కడున్నావో .. పక్కకు రావే మరుమల్లె పువ్వా చక్కని జాబిలీ ఎక్కడుంటానూ .. నీ పక్కనే చుక్కనై పలకరిస్తానూ నీలి నీలి నీ కురులా .. నీలాల మేఘాల .. విరిసింది మల్లికా నా రాగ మాలికా అల్లిబిల్లి నీ కౌగిట .. అల్లుకున్న నీ మమతా .. కొసరింది కోరికా అనురాగ గీతికా నీ మూగ చూపులలో .. చెలరేగే పిలుపులలో నీ పట్టువిడుపులలో .. సుడి రేగే వలపులలో కన్నూ కన్నూ కలవాలీ కలిసి వెన్నెలై పోవాలీ చీకటి వెన్నెల నీడలలో దాగుడుమూతలు ఆడాలీ ! చుక్కల తోటలో ఎక్కడున్నావో .. పక్కకు రావే మరుమల్లె పువ్వా చక్కని జాబిలీ ఎక్కడుంటానూ .. నీ పక్కనే చుక్కనై పలకరిస్తానూ ఆకలైన నాకు తెలుసు కౌగిలెంత తీయనిదో కౌగిలింతకే తెలుసు ఆకలెంత తీరనిదో వేచిఉన్న నాకు తెలుసు విరహమెంత తీయనిదో కాచుకున్న నీకు తెలుసు కలయికెంత కమ్మనిదో ఈ పూల వానలలో .. తడిసిన నీ అందాలూ ఆ.. ఆ.. ఈ పూట సొగసులలో .. కురిసిన మకరందాలూ నీలో తీగలు మీటాలీ నాలో రాగం పలకాలీ లోకం మరచిన మైకంలో మనమే ఏకం కావాలీ ! చుక్కల తోటలో ఎక్కడున్నావో .. పక్కకు రావే మరుమల్లె పువ్వా చక్కని జాబిలీ ఎక్కడుంటానూ .. నీ పక్కనే చుక్కనై పలకరిస్తానూ

Posted by: Mr. Siri Siri At: 16, Aug 2008 4:24:44 PM IST

< < Previous Page: 83 of 169 Next > >