న్యూఢిల్లీ : నారాయణ్ దత్ తివారి... 2007లో ఉత్తరాఖండ్ ఎన్నికల్లో కాంగ్రెస్ పార్టీ బిజెపీ చేతిలో చిత్తుచిత్తుగా ఓడిపోయింది. దాంతో వృద్ధనేత తివారికి 'పదవీవిరమణ' కానుకగా ఆంధ్రప్రదేశ్ గవర్నరు పదవి ఇచ్చి పంపేశారు. కానీ తివారి చాలా పెద్ద ప్రత్యర్ధినే వెనక్కి నెట్టేశారీ ఈసారి. నిజంగానే ఆయన ఓడించింది మాత్రం రాజకీయ నాయకుడిని కానేకాదు. ప్రపంచంలోనే అత్యుత్తమ గోల్ఫ్ క్రీడాకారుడు టైగర్ వుడ్స్ ని. ఇంటర్ నెట్ గూగుల్ సెర్చింజన్ వెదుకులాటలో సుమండి.
ఈ 85 సంవత్సరాల తివారీ నెరపినట్లు చెబుతున్న సెక్స్ టేపులు ప్రపంచ వ్యాప్తంగా సంచలనం సృష్టిస్తున్నాయి. టైగర్ వుడ్ పద్నాలుగు మంది భామలతో శృంగారం నెరపాడన్నపెనుతుపాను వివాదాన్ని తివారీ టేపులు త్రోసిరాజన్నాయి. గూగుల్ సెర్చ ఇంజను లెక్క ప్రకారం తివారి టేపుల కోసం భారత్ లో విపరీతమైన వెదుకులాట జరుగుతోంది. రేటింగ్ లో టాప్ 20 లో తివారి సెక్స్ టేపుల సెర్చ్ ఉంది. డిసెంబర్ 25 న ఈ బాగోతం వెలుగులోకి వచ్చింది మొదలు గూగుల్ సెర్చ్ లో తివారీ టేపులు టాప్ రేంక్ లోకి వెళ్ళిపోయాయి. వీటికి వంద పాయింట్లు లభిస్తే టైగర్ వుడ్ కథనాలు కేవలం 15 పాయింట్ల దగ్గరే ఆగిపోయాయి.
మొదటి రెండు రోజులు తివారి టేపుల కోసం ఆంధ్రప్రదేశ్ నెటిజెన్స్ ఎక్కువ మంది గూగుల్ లో వెదికారు. ఆదివారం నాటికి యూ ట్యూబ్ కోసం ఢిల్లీ వాసుల తాకిడి మొదలైంది. దీన్ని అదనుగా తీసుకుని కొన్ని ఫోర్న్ వీడియోలకు ఇదే పేరు పెట్టి లింక్ లు ఇవ్వడం కూడా మొదలైంది.
