ట్రెజరీ షేర్లు అమ్మిన రిల్
'లయండెల్ బాసెల్ కొనుగోలుకు, మధ్యలో వచ్చే ఇతర కీలకమైన కొనుగోళ్ల కోసం ఈ నిధులను సంస్థ ఉపయోగించవచ్చుని మూడీస్ భావిస్తున్నది' అని పలాషియోస్ తెలిపారు. 'విలువను బట్టి చూస్తే ఈ అమ్మకం సరైనదైతే ఈ షేర్ విలువ 20 శాతం నుంచి 30 శాతం వరకు పెరిగి ఉండాలి. కాని ఇది సుమారు 5 శాతం మేర పడిపోయింది. అంటే మార్కెట్ లో ఇప్పటికే ఈ అమ్మకాలు తగ్గాయన్నమాట' అని ఏంజెల్ బ్రోకింగ్ సంస్థలో సీనియర్ ఆయిల్, గ్యాస్ అనలిస్ట్ దీపక్ పారీక్ వ్యాఖ్యానించారు.
సెన్సెక్స్ లో 0.1 శాతం పతనంతో పోలిస్తే ఆర్ఐఎల్ వాటా విలువ సోమవారం రెండు శాతం అంటే రూ. 1081.5 స్థాయికి పడిపోయింది. 1:1 బోనస్ ఇష్యూ కోసం సర్దుబాటు చేసిన ఆర్ఐఎల్ షేర్ల విలువ నవంబర్ 23న లయండెల్ బాసెల్ ఆఫర్ ధ్రువీకరణ అధికారికంగా జరిగినప్పటి నుంచి ఇప్పటి వరకు 2.09 శాతం మేర పడిపోయింది. ఆర్ఐఎల్ పెద్ద భాగస్వామిగా ఉన్న సెన్సెక్స్ ఇదే కాలంలో 2.01 శాతం మేర లాభం ఆర్జించింది. 2010 జనవరి 4న 25.8 మిలియన్ షేర్ల విక్రయానంతరం సోమవారం ఈ ట్రెజరీ షేర్ల విక్రయం జరిగింది. ఇంతకుముందు 2009 సెప్టెంబర్ లో 15 మిలియన్ షేర్ల అమ్మకం జరిగింది. మొత్తం సంస్థ ట్రెజరీ షేర్ల విక్రయం ద్వారా రూ. 9300 కోట్లు సమీకరించింది.
'అప్పు చేయడం కన్నా ఈక్విటీని సంస్థ ఉపయోగించుకుంటున్నది' అని హాంకాంగ్ కు చెందిన సాన్ ఫర్డ్ సి బెర్న్ స్టెయిన్ అండ్ కో సంస్థ అనలిస్ట్ నీల్ బెవెరిడ్జ్ 'బ్లూమ్ బెర్గ్'తో అన్నారు. ఆర్ఐఎల్ ఇంతవరకు షేర్ల అమ్మకం ద్వారా సమీకరించిన మొత్తం ప్రస్తుత ఆర్థిక సంవత్సరం ప్రథమార్ధంలో ఆర్జించిన రూ. 7158 కోట్ల నికర లాభం కన్నా ఎక్కువే. సంస్థ షేర్లను సోమవారం ఐదు సంస్థలకు విక్రయించినట్లు ఈ సంస్థ వాటాల అమ్మకం ఏజెన్సీ ముంబైలోని యుబిఎస్ ఎజిలో ఇన్వెస్ట్ మెంట్ బ్యాంకింగ్ విభాగం చీఫ్ ఎగ్జిక్యూటివ్ ఆఫీసర్ మనీషా గిరోత్రా 'బ్లూమ్ బెర్గ్'కు తెలియజేశారు. అయితే, ఆ సంస్థల పేర్ల వెల్లడికి గిరోత్రా నిరాకరించారు.
ఈ షేర్ల అమ్మకం ప్రభావం ఆర్ఐఎల్ బ్యాలెన్స్ షీటుపై సకారాత్మకంగానే ఉంటుందని, అయితే, ఒకసారి లాభంగా ఇది ప్రతిబింబిస్తుందని నిపుణులు భావిస్తున్నారు. సుమారు 7 బిలియన్ డాలర్ల విలువ మేరకు సోమవారం విక్రయం అనంతరం రిలయన్స్ వద్ద ఇటువంటి షేర్లు దాదాపు 310 మిలియన్లు ఉన్నాయి. సంస్థ తన బిడ్ ను 13.5 బిలియన్ డాలర్ల నుంచి మరింతగా సవరించుకుంటే పూర్తి సంవత్సరపు ఆర్థిక లాభాలను చేరుకోవచ్చునని కార్వీ స్టాక్ బ్రోకింగ్ సంస్థలో రీసర్చ్ విభాగం అధిపతి అంబరీష్ బాలిగా అభిప్రాయం వెలిబుచ్చారు. రిలయన్స్ సంస్థ ప్రస్తుతపు 'బిఎఎ2' రేటింగ్ పైన, 'సుస్థిరత'పైన ఈ ట్రెజరీ షేర్ల అమ్మకం ప్రభావం వెంటనే పడదని మూడీస్ సంస్థ కూడా వ్యాఖ్యానించింది.
Pages: -1- -2- 3
News Posted: 12 January, 2010
|
